ଜାଣନ୍ତୁ ଭଗବାନ ଶିବଙ୍କ କାହିଁକି ପ୍ରିୟ ବେଲପତ୍ର: କ’ଣ ରହିଛି ଏହା ପଛର ମାନ୍ୟତା…
ମହାଶିବରାତ୍ରୀରେ ଶିବ ଭକ୍ତମାନେ ମହାଦେବଙ୍କ ଆରାଧନା କରିଥାନ୍ତି । ଶିବରାତ୍ରୀର ପୂଜାବିଧିରେ ବେଲପତ୍ରର ବ୍ୟବହାର କରାଯାଇଥାଏ । ମହାପ୍ରଭୁ ଶିବଙ୍କୁ ବେଲପତ୍ର ଅତି ପ୍ରିୟ । ଶିବପୂଜାରେ ବେଲପତ୍ରର ଅନେକ ମହତ୍ୱ ରହିଛି । ଶିବଙ୍କୁ ଆରାଧନା ସମୟରେ ଶିବଲିଙ୍ଗରେ ବେଲପତ୍ର ଅର୍ପଣ କରାଯାଇଥାଏ । ମାନ୍ୟତା ରହିଛି ଯେ ଦେବ ଦେବ ମହାଦେବଙ୍କ ଆରାଧନା ବେଲ ପତ୍ର ବିନା ଅସମ୍ପୂର୍ଣ୍ଣ ରହିଥାଏ ।
ଭଗବାନ ଶିବ ଯାହାଙ୍କୁ ଆମେ ଭୋଲେ ନାଆରେ ମଧ୍ୟ ପୂଜା କରିଥାଉ, ଭୋଲେ ନାଆ ତାଙ୍କୁ ଏଥି ପାଇଁ ଦିଆଯାଇଛି କାରଣ ସେ ବହୁତ ଭୋଲା ଏବଂ ଭକ୍ତଙ୍କ ଟିକକ ସ୍ନେହରେ ସେ ପ୍ରସନ୍ନ ହୋଇଯାଇଥାନ୍ତି । କୁହାଯାଏ ଯେ ଶିବ ଏତେ ଭୋଲା ଯେ ଭକ୍ତ ଯଦି ତାଙ୍କୁ କେବଳ ବେଲପତ୍ର ଦେଇ ବି ପୂଜା କରିବେ ତେବେ ବି ମହାଦେବ ଶିବ ପ୍ରସନ୍ନ ହୋଇଯାନ୍ତି ।
ଏକ ପୌରାଣିକ କଥା ଅନୁସାରେ ସାଗର ମନ୍ଥନ ସମୟରେ ଯେତେବେଳେ ହାଲାହଲ ନାମକ ବିଷ ବାହରିଲା ସେତେବେଳେ ଭଗବାନ ଶିବ ସେହି ବିଷକୁ ଆଞ୍ଜୁଳାରେ ଆଣି ପାନ କରିଥିଲେ ଏବଂ ବିଷକୁ ନିଜ କଣ୍ଠ ମଧ୍ୟରେ ଧାରଣ କରିଥିଲେ । କଥା ଅନୁସାରେ ଭଗବାନ ଶିବ ବିଷ ପାନ କରିସାରିବା ପରେ ତାଙ୍କ ମସ୍ତିସ୍କ ଗରମ ହେବାକୁ ଲାଗିଲା । ଯାହା ପରେ ଦେବତା ମାନେ ମହାଦେବଙ୍କ ମସ୍ତିସ୍କରେ ଜଳଦାନ କରିଥିଲେ ଏବଂ ତା ସହିତ ବେଲପତ୍ର ମଧ୍ୟ ଅର୍ପଣ କରିଥିଲେ । ଏହାପରେ ଶିବଙ୍କୁ ବେଲପତ୍ର ଦେଇ ପୂଜା କରାଯାଉଛି ।