ପୁଣି ହେବ ମହା ବାତ୍ୟା ଯାହାର ନାମ ‘ହିକ୍କା’, ସେପ୍ଟେମ୍ବର ୨୫ ସୁଦ୍ଧା ସ୍ଥଳ ଭାଗ ଛୁଇଁବ, ଏହି ସ୍ଥାନ କୁ ନଷ୍ଟ କରିପାରେ
ପୁଣି ଏକ ବଡ ଝଡ ବାତ୍ୟା ସ୍ଥଳ ଭାଗ ଛୁଇଁବାକୁ ଯାଉଛି । କିନ୍ତୁ ଏଥର ଓଡ଼ିଶାରେ ନୁହେଁ ବରଂ ପଶ୍ଚିମ ଭାରତରେ ଏହା ତାଣ୍ଡବ ରଚିପାରେ । ଯାହାର ନାମ ‘ହିକ୍କା’ ରଖା ଯାଇଛି । ଗୁଜୁରାଟର କେତେକ ସ୍ଥାନରେ ଏହାର ପ୍ରଭାବ ଦେଖାଯିବ ବୋଲି ଜାତୀୟ ପାଣିପାଗ ବିଭାଗ ସୂଚନା ଦେଇଛି ।
ପାଣିପାଗ ବିଭାଗ କହିବା ଅନୁଯାୟୀ, ଏହି ଝଡ ବାତ୍ୟା ‘ହିକ୍କା’ ପଶ୍ଚିମ ଭାରତ ଦେଇ ଓମାନରେ ମାଡ଼ ହେବ । ଓମାନର ଉପକୂଳବର୍ତୀ ଅଞ୍ଚଳରେ ହିକ୍କା ବାତ୍ୟା ସେପ୍ଟେମ୍ବର ୨୫ରେ ଛୁଇଁବ । ଏହା ଓମାନ ଠାରୁ ୬୩୦ କିଲୋମିଟର ଦୂରରେ ଗତି କରୁଛି ।
ଏହି ସାମୁଦ୍ରିକ ଘୁର୍ଣ୍ଣି ଝଡର ପ୍ରଭାବରେ ଭାରତ ଗୁଜୁରାଟର ସୌରାଷ୍ଟ୍ର ଓ କଛ ଉପକୂଳବର୍ତ୍ତୀ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଥିବା ପାଣିପାଗ ବିଭାଗ ସୂଚନା ଦେଇଛି ।
ଖାଲି ଏତିକି ନୁହେଁ ଏହି ବାତ୍ୟା ଅରବସାଗର ରେ ଉଗ୍ରରୂପ ନେଉଛି । ତେଣୁ ଗୁଜୁରାଟବାସୀ ଙ୍କୁ ସତର୍କ ଅବଲମ୍ବନ ରହିବା ସହ ମତ୍ସଜୀବୀମାନଙ୍କୁ ସମୁଦ୍ର ଭିତରକୁ ନ ଯିବା ପାଇଁ ବାରଣ କରିଛି ପାଣିପାଗ ବିଭାଗ ।