‘କରୋନିଲ’କୁ ନେଇ ବିବାଦରେ ବାବା ରାମଦେବ, ଏହି ଔଷଧ କୁ ଲାଇସେନ୍ସ ଦେଇଥିବା କର୍ତ୍ତୃପକ୍ଷ କହିଲା କରୋନା ପାଇଁ ଏହା….
ନୂଆଦିଲ୍ଲୀ: ପତଞ୍ଜଳିର ଆୟୁର୍ବେଦିକ ଔଷଧ କରୋନିଲ(Coronil) ଉପରେ ଅନେକ ପ୍ରଶ୍ନ ଚିହ୍ନ ଉଠିଛି । ବର୍ତ୍ତମାନ ଷଧକୁ ଅନୁମୋଦନ କରୁଥିବା ଲାଇସେନ୍ସ କର୍ତ୍ତୃପକ୍ଷ କରୋନିଲ ଉପରେ କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି । ଉତ୍ତରପ୍ରଦେଶର ଆୟୁର୍ବେଦିକ ବିଭାଗ ଦିବ୍ୟା ଫାର୍ମାସିକୁ ଏକ ବିଜ୍ଞପ୍ତି ଜାରି କରିଛି ଯେଉଁଥିରେ କୁହାଯାଇଛି ଯେ କରୋନା ଭୁତାଣୁ ଚିକିତ୍ସା ପାଇଁ ଏହି ଔଷଧର ଲେବଲକୁ ବିଭ୍ରାନ୍ତିକର ଭାବରେ ପ୍ରୋତ୍ସାହିତ କରାଯାଉଛି, ଯାହାକୁ କମ୍ପାନୀ ତୁରନ୍ତ ହଟାଇବାକୁ ପଡିବ । ଯଦି ତାହା କରା ନ ଯାଏ, କଡା କାର୍ଯ୍ୟାନୁଷ୍ଠାନକୁ ମଧ୍ୟ ଚେତାବନୀ ଦିଆଯାଇଛି ।
ଏହି ବିଜ୍ଞପ୍ତିରେ ସ୍ପଷ୍ଟ କରାଯାଇଛି ଯେ କରୋନା କିଟ୍ ନାମରେ ତିନୋଟି ଔଷଧ କୁ ଏକାଠି ବିକ୍ରୟ କରିବା ପାଇଁ କୌଣସି ଲାଇସେନ୍ସ ଦିଆଯାଇ ନାହିଁ ।
କରୋନା ରୋଗୀ ଙ୍କୁ ଚିକିତ୍ସା କରିବା ପାଇଁ କେଉଁ ଆଧାରରେ କରୋନିଲ ଉପଯୁକ୍ତ ? ସେନେଇ ସେନେଇ ଜବାବ ମାଗିଛି କର୍ତ୍ତୃପକ୍ଷ । ଉତ୍ତରାଖଣ୍ଡର ଆୟୁର୍ବେଦିକ ବିଭାଗ ଜ୍ୱର, ଶ୍ୱାସ ରୋଗ ତଥା ରୋଗ ପ୍ରତିରୋଧକ ଶକ୍ତି ଭାବରେ ପତଞ୍ଜଳିର ଔଷଧ ବିକ୍ରୟ କରିବାକୁ ଅନୁମତି ଦେଇଥିଲା । ବିଜ୍ଞପ୍ତିରେ ଏହା କୁହାଯାଇଛି ଯେ ଯେତେବେଳେ ଏହି ଔଷଧ କରୋନା ରୋଗୀଙ୍କ ଚିକିତ୍ସା ପାଇଁ ଅନୁମୋଦିତ ନାହିଁ, ତେବେ ଏହି ଔଷଧ ବିକ୍ରୟ ପାଇଁ ଲାଇସେନ୍ସ କାହିଁକି ବାତିଲ କରାଯିବ ନାହିଁ ?
ବାବା ରାମଦେବଙ୍କ ଦିବ୍ୟା ଫାର୍ମାସି ମଙ୍ଗଳବାର ଦିନ କରୋନିଲ ନାମକ ଏକ କିଟ୍ ଲଞ୍ଚ କରିଛି ଏବଂ ଦାବି କରାଯାଇଛି ଯେ ଏହି ଔଷଧ କରୋନା ରୋଗୀଙ୍କୁ ଭଲ କରିପାରିବ । 100 ରୋଗୀଙ୍କ ଉପରେ କରାଯାଇଥିବା ଏକ ଅଧ୍ୟୟନରେ ଦାବି କରାଯାଇଛି, ସମସ୍ତ ରୋଗୀ ଏହି ଆୟୁର୍ବେଦିକ ଔଷଧ ବ୍ୟବହାର କରି ସୁସ୍ଥ ହୋଇଥିଲେ ।
କରୋନିଲ ଔଷଧ ର ଉପାଦାନଗୁଡ଼ିକ କ’ଣ?
ଉତ୍ତରପ୍ରଦେଶ ବିଭାଗର ଦଲିଲ ଅନୁଯାୟୀ, ଏହି ଔଷଧରେ ଉପସ୍ଥିତ ଉପାଦାନଗୁଡ଼ିକ ହେଉଛି:
ଗିଲୋଇ – ରୋଗ ପ୍ରତିରୋଧକ ଶକ୍ତି ଏବଂ ଜ୍ୱରର ଚିକିତ୍ସାରେ ଏହା ପ୍ରଭାବଶାଳୀ ବୋଲି ବିବେଚନା କରାଯାଇଛି |
ଅଶ୍ୱଗନ୍ଧା – ଏହା ରୋଗ ପ୍ରତିରୋଧକ ଶକ୍ତି, ରୋଗର ମୁକାବିଲା ପାଇଁ ଶକ୍ତି ମଧ୍ୟ ବଢ଼ାଇଥାଏ |
ତୁଳସୀ – ଶ୍ୱାସ ରୋଗ ର ଚିକିତ୍ସାରେ ଏହା ପ୍ରଭାବଶାଳୀ ବୋଲି ବିବେଚନା କରାଯାଇଛି |
କୌଣସି ଡକୁମେଣ୍ଟ ରେ କରୋନା ଭୁତାଣୁ ର ଚିକତ୍ସା ପାଇଁ ଏହା ଉପଯୁକ୍ତ ବୋଲି ବିବେଚନା କରାଯାଇ ନାହିଁ |