ସୁଶାନ୍ତ ମୃତ୍ୟୁ ମାମଲାରେ ପୋଲିସ ହାତରେ ଲାଗିଲା ଏହି ନୂଆ ତଥ୍ୟ, ଏବେ ହୋଇପାରେ ଘଟଣାର ପର୍ଦାଫାସ

ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାରେ ପୋଲିସ ତଦନ୍ତ କରୁଛି। ଏପର୍ଯ୍ୟନ୍ତ 20 ରୁ ଅଧିକ ଲୋକଙ୍କୁ ପଚରାଉଚରା କରାଯାଇଛି। ଏଥି ସହିତ ଅନ୍ତିମ ପୋଷ୍ଟ ମର୍ଟମ ରିପୋର୍ଟ ଆସିବା ପରେ ମୁମ୍ବାଇ ପୋଲିସ ସୁଶାନ୍ତ ସିଂ ରାଜପୁତଙ୍କ CA କୁ ପଚରାଉଚରା କରିଥିଲା। ମୁମ୍ବାଇ ପୋଲିସର ସୂଚନାନୁସାରେ, ପୋଷ୍ଟମର୍ଟମ ରିପୋର୍ଟରେ ଫାଶୀ ହେତୁ ମୃତ୍ୟୁ ହୋଇଥିବା କୁହାଯାଉଥିଲେ ମଧ୍ୟ ତଦନ୍ତ ଜାରି ରହିବ। ପୋଲିସ ବାନ୍ଦ୍ରା ପୋଲିସ ଷ୍ଟେସନରେ ସୁଶାନ୍ତ ସିଂ ରାଜପୁତ CA ସଞ୍ଜୟ ଶ୍ରୀଧରଙ୍କୁ ଡାକି ସୁଶାନ୍ତ ଆର୍ଥିକ ସଙ୍କଟ ଦେଇ ଗତି କରୁଥିଲେ କି ନାହିଁ ଜାଣିବାକୁ ଚେଷ୍ଟା କରିଥିଲେ। ଏହାପୂର୍ବରୁ ୟଶ ରାଜ ଫିଲ୍ମ ସମେତ ତିନୋଟି ବଡ ପ୍ରଡକ୍ସନ ହାଉସର ଲୋକଙ୍କୁ ପଚରାଉଚରା କରାଯାଇଥିଲା।

ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲା ଏକ ନୂଆ ମୋଡ଼ ନେଇଛି। ମୁମ୍ବାଇ ପୋଲିସ ସନ୍ଦେହ କରୁଛି ଯେ ଅଭିନେତାଙ୍କ କିଛି ମେସେଜ ଡିଲିଟ କରା ଯାଇଛି। ଏହା ପରେ ଟ୍ୱିଟରକୁ ଏକ ବିଜ୍ଞପ୍ତି ଜାରି କରାଯାଇଛି। ମୁମ୍ବାଇ ପୋଲିସର ଟ୍ୱିଟରକୁ ଏକ ଚିଠି ପଠାଯାଇଛି। ଅନୁସନ୍ଧାନ ବେଳେ ପୋଲିସ ଜାଣିବାକୁ ପାଇଛି ଯେ 27 ଡିସେମ୍ବର 2019 ପରେ ସୁଶାନ୍ତ ସିଂ ରାଜପୁତଙ୍କ ଟ୍ୱିଟର ହ୍ୟାଣ୍ଡେଲରେ କୌଣସି ଟ୍ୱିଟ୍ ନାହିଁ, ଯେତେବେଳେ କି ଅଭିନେତା ମାଇକ୍ରୋ ବ୍ଲଗିଂରେ ମଧ୍ୟ ସକ୍ରିୟ ଥିଲେ। ଟ୍ୱିଟରରୁ ଗତ ୬ ମାସର ପୋଷ୍ଟଗୁଡିକ ମଗା ଯାଇଛି। ଜୁନ୍ 14, 2020 ରେ ମୁମ୍ବାଇର ବାନ୍ଦ୍ରାସ୍ଥିତ ଫ୍ଲାଟରେ ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିଲେ।

ମୁମ୍ବାଇ ପୋଲିସ ପ୍ରଥମେ ଏହାକୁ ଆତ୍ମହତ୍ୟା ବୋଲି ବିବେଚନା କରିଥିଲା, କିନ୍ତୁ ବଲିଉଡ ସହ ଜଡିତ ଲୋକମାନେ ପ୍ରଶ୍ନ ଉଠାଇବା ପରେ ପୋଲିସ ତଦନ୍ତ ଆରମ୍ଭ କରିଥିଲା। ତଥାପି ବୁଧବାର ଦିନ ପ୍ରକାଶିତ ଏକ ପୋଷ୍ଟମର୍ଟମ ରିପୋର୍ଟରେ ଦର୍ଶାଯାଇଛି ଯେ ଫାଶୀ ହେତୁ ତାଙ୍କ ମୃତ୍ୟୁ ଘଟିଛି ଏବଂ ଏହା ଆସଫିକ୍ସିଆର ଏକ ମାମଲା। ପ୍ରାୟ 22 ଜଣଙ୍କ ବିବୃତ୍ତି ରେକର୍ଡ ହୋଇସାରିଛି। ବର୍ତ୍ତମାନ ଟ୍ୱିଟରରେ ସୁଶାନ୍ତ ସିଂ ରାଜପୁତଙ୍କ ଆକାଉଣ୍ଟ ଯାଞ୍ଚ କରାଯାଉଛି। ଏଥି ସହ ବିହାରର ମୁଜାଫରପୁରରେ ସଲମାନ ଖାନ, କରଣ ଜୋହର, ଏକତା କପୁର, ମହେଶ ଭଟ୍ଟ, ରେହା ଚକ୍ରବର୍ତ୍ତୀ ଏବଂ ଅନ୍ୟମାନଙ୍କ ବିରୋଧରେ ମାମଲା ଦାୟର କରାଯାଇଛି।

ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାରେ ଚଳଚ୍ଚିତ୍ର ନିର୍ଦ୍ଦେଶକ ତଥା ଟିଭି ସିରିଏଲ ନିର୍ମାତା ଏକତା କପୁରଙ୍କ ସମେତ ବିହାରର ମୁଙ୍ଗେରରେ ଦୁଇଜଣଙ୍କ ବିରୋଧରେ ମାମଲା ରୁଜୁ ହୋଇଛି। ଜାତୀୟ କ୍ଷତ୍ରିୟ ମହାସଭାର ବିହାର ରାଜ୍ୟ ମୁଖପାତ୍ର କ୍ରିତକା ସିଂ କୋର୍ଟରେ ଦାଖଲ କରିଥିବା ଅଭିଯୋଗରେ କହିଛନ୍ତି ଯେ ଏକତା କପୁର ଏବଂ କେ.ଏନ ଘୋଷ ସୋସିଆଲ ମିଡିଆରେ ଭିଡିଓ ମାଧ୍ୟମରେ ଭାରତୀୟ ସେନା ଏବଂ ସେମାନଙ୍କ ପତ୍ନୀଙ୍କ ଉପରେ ଅଶ୍ଳୀଳ ମନ୍ତବ୍ୟ ଦେଇଛନ୍ତି।