ଏକମାତ୍ର ପୁଅକୁ ହରାଇ ଶେଷରେ ମୁହଁ ଖୋଲିଲେ ସୁଶାନ୍ତଙ୍କ ବାପା, ସୁଶାନ୍ତଙ୍କୁ ନେଇ କହିଲେ ଏମିତି କଥା

ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ଏତେ ଶୀଘ୍ର ଦୁନିଆରୁ ବିଦାୟ ନେବେ ବୋଲି କେହି ଭାବିନଥିଲେ। ସୁଶାନ୍ତଙ୍କ ପିତା କେ.କେ ସିଂ ତାଙ୍କ ପ୍ରତିଜ୍ଞାକାରୀ ପୁଅ ପାଇଁ ଗର୍ବିତ ଥିଲେ। ସେ ତାଙ୍କ ପୁଅର ପ୍ରତିଭା ଉପରେ ସନ୍ଦେହ କରିନଥିଲେ, କିନ୍ତୁ ଦୁଃଖ ହେଉଛି ଯେ ସେ ନିଜ ପୁଅର ଦୁଃଖକୁ ବୁଝି ପାରି ନଥିଲେ। ପୁଅ ଭିତରେ କ’ଣ ଚାଲୁଥିଲା ତାହା ସେ ଜାଣି ପାରିନଥିଲେ। ବର୍ତ୍ତମାନ ପୁଅର ମୃତ୍ୟୁ ହେବାର 12 ଦିନରୁ ଅଧିକ ସମୟ ବିତି ସାରିବା ପରେ ସୁଶାନ୍ତଙ୍କ ପିତା ନୀରବତା ଭାଙ୍ଗିଛନ୍ତି। ସେ ତାଙ୍କ ପୁଅ ସହିତ ଜଡିତ ଜିନିଷଗୁଡ଼ିକୁ ମନେ ପକାଇ ଭାବପ୍ରବଣ ହୋଇଛନ୍ତି।

34 ବର୍ଷ ବୟସରେ ସୁଶାନ୍ତ ସିଂ ରାଜପୁତ ଦୁନିଆରୁ ବିଦାୟ ନେଇଛନ୍ତି। ଏହି ଦୁର୍ଭାଗ୍ୟଜନକ ଖବର ଶୁଣିବା ପରଠାରୁ ସୁଶାନ୍ତଙ୍କ ପିତା କେ.କେ ସିଂ ଅସହ୍ୟ ହୋଇପଡିଛନ୍ତି। ଜୀବନର ଏହି ପର୍ଯ୍ୟାୟରେ ସେ ଗଭୀର ଦୁଃଖରୁ ସେ ବାହାରି ପାରୁ ନାହାନ୍ତି। ନିକଟରେ ଏକ ସାକ୍ଷାତକାରରେ ସୁଶାନ୍ତଙ୍କ ପିତା କହିଥିଲେ ଯେ ସେ ଏବଂ ତାଙ୍କ ପତ୍ନୀ କିପରି ଭଗବାନଙ୍କ ପାଖରେ ମାନସିକ ରଖି ସୁଶାନ୍ତଙ୍କୁ ପାଇଥିଲେ।

ସୁଶାନ୍ତଙ୍କ ବାପା କହିଥିଲେ, ‘ଆମେ ତା ପାଇଁ ଭଗବାନଙ୍କ ପାଖରେ ମାନସିକ ରଖିଥିଲୁ। 3 ବର୍ଷ ପର୍ଯ୍ୟନ୍ତ ମାନସିକ ରଖିବା ପରେ ଭଗବାନ ଆମକୁ ସୁଶାନ୍ତକୁ ଦେଇଥିଲେ। ସେ 4 ଝିଅଙ୍କ ମଧ୍ୟରେ ଜଣେ ପୁଅ ଥିଲା, କିନ୍ତୁ କୁହାଯାଏ ମାନସିକ ରଖି ମିଳିଥିବା ଜିନିଷ ଏମିତି ଚାଲିଯାଏ, ତାହା ହିଁ ହେଲା ସେ ଆମକୁ ଛାଡି ଚାଲିଗଲା। ଏହା କହିବା ବେଳେ ସେ ଭାବପ୍ରବଣ ହୋଇ ଯାଇଥିଲେ। ସେ ଆହୁରି ମଧ୍ୟ କହିଛନ୍ତି ଯେ ଯାହା ଘଟିବାର ଅଛି ତାକୁ କେହି ଅଟକାଇ ପାରିବେ ନାହିଁ। ସେ ଅଳ୍ପ ଦିନ ମଧ୍ୟରେ ବହୁତ କିଛି କରିଥିଲା। ଗତ ଦିନରେ କ’ଣ ହେଲା ତାହା ଆମେ ଜାଣିନାହୁଁ। ଏହି ବିଷୟରେ ସୁଶାନ୍ତ ଆମକୁ କିଛି କହି ନଥିଲା। ଆମେ ମଧ୍ୟ ଚଳଚ୍ଚିତ୍ର ଇଣ୍ଡଷ୍ଟ୍ରିଠାରୁ ବହୁତ ଦୂରରେ ରହୁଥିଲୁ।

ପୁଅର ସ୍ୱପ୍ନ ବିଷୟରେ ସେ କହିଛନ୍ତି ଯେ ସୁଶାନ୍ତ ବିହାର ପାଇଁ ବହୁତ କିଛି କରିବାକୁ ଚିନ୍ତା କରିଥିଲା। ସେ ବିହାରର ଲୋକଙ୍କୁ ସାହାଯ୍ୟ କରିବା ପାଇଁ କିଛି କରିବାକୁ ଚାହୁଁଥିଲା, କିନ୍ତୁ ସମୟ ମିଳିଲା ନାହିଁ। ସୁଶାନ୍ତ ଚନ୍ଦ୍ରରେ ଜମି କିଣିଥିଲେ। ସେ ଜମି ଦେଖିବା ପାଇଁ 55 ଲକ୍ଷ ଟଙ୍କାର ଟେଲିସ୍କୋପ କଣିଥିଲା। ସେ କେବଳ ସେହି ଟେଲିସ୍କୋପ ସାହାଯ୍ୟରେ ନିଜ ପ୍ଲଟକୁ ଦେଖୁଥିଲା।