ମାସ୍କ ଆପଣଙ୍କୁ ବଞ୍ଚେଇ ପାରିବନି କରୋନାରୁ! ଜାଣନ୍ତୁ ମାସ୍କକୁ ନେଇ କଣ ପରାମର୍ଶ ଦେଲା WHO
କରୋନା ଭାଇରସରୁ ନିଜକୁ ରକ୍ଷା କରିବା ପାଇଁ ଫେସ ମାସ୍କ ପିନ୍ଧିବା ଆବଶ୍ୟକ କୁହାଯାଇଛି। ନିକଟରେ କେନ୍ଦ୍ର ସରକାର N-95 ଫେସ୍ ମାସ୍କ ବ୍ୟବହାର ସମ୍ପର୍କରେ ସମସ୍ତ ରାଜ୍ୟ ସରକାରଙ୍କୁ ଚେତାବନୀ ଦେଇଛନ୍ତି। କୁହାଯାଇଛି ଯେ ଛିଦ୍ର ହୋଇଥିବା N-95 କରୋନା ଭାଇରସ ବନ୍ଦ କରିବାରେ ସକ୍ଷମ ନୁହେଁ। ଏଭଳି ପରିସ୍ଥିତିରେ ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ଫେସ୍ ମାସ୍କ ବ୍ୟବହାରକୁ ନେଇ ଏକ ନୂତନ ଗାଇଡଲାଇନ ଜାରି କରିଛି। କେନ୍ଦ୍ର ସରକାର N-95 ଫେସ୍ ମାସ୍କ ବିଷୟରେ ଚେତାବନୀ ଦେଇଛନ୍ତି ଯେ ଏହି ମାସ୍କ କରୋନା ସଂକ୍ରମଣକୁ ରୋକିବାରେ ସକ୍ଷମ ନୁହେଁ। ଲୋକମାନେ ଛିଦ୍ର ବାଲାର ମାସ୍କ ବ୍ୟବହାର କରି ଭାବୁଛନ୍ତି ଯେ ସେମାନେ ଭାଇରସ ଆକ୍ରମଣରୁ ବଞ୍ଚି ଯିବେ, କିନ୍ତୁ ତାହା ନୁହେଁ।
କଟନରେ ଘରେ ତିଆରି ମାସ୍କ ବ୍ୟବହାର କରିବା ଅଧିକ ଉପଯୁକ୍ତ ବୋଲି କେନ୍ଦ୍ର ସରକାର କହିଛନ୍ତି। କାରଣ ଧୋଇବା ଏବଂ ଶୁଖିବା ସହଜ ଅଟେ। ଘରେ ମାସ୍କ ତିଆରି କରିବା ବିଷୟରେ ମଧ୍ୟ କେନ୍ଦ୍ର ସରକାର ଏକ ଗାଇଡଲାଇନ ଜାରି କରିଛନ୍ତି। ଭାରତର N-95 ଫେସ୍ ମାସ୍କ ବିଷୟରେ ଚେତାବନୀ ଦେବା ପରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ମାସ୍କର ବ୍ୟବହାର ତଥା ସାମାଜିକ ଦୂରତା ଉପରେ ପୁନର୍ବାର ଏକ ନିର୍ଦ୍ଦେଶାବଳୀ ଜାରି କରିଛି। WHO ସୋସିଆଲ ମିଡିଆ ମାଧ୍ୟମରେ କହିଛି ଯେ କେବଳ ଟାଇଟ୍ ଫିଟିଙ୍ଗ୍ ଏବଂ ଭଲ ଭାବେ ପିନ୍ଧା ଯାଇଥିବା ମାସ୍କଗୁଡ଼ିକ କରୋନାକୁ ଅଟକାଇବାରେ ସକ୍ଷମ। WHO ଗ୍ରାଫିକ୍ ସେଆର କରି ମାସ୍କ ବ୍ୟବହାର କରିବାର ଉପାୟ ମଧ୍ୟ ଦେଇଛି।
WHO ପରାମର୍ଶ ଦେଇଛି ଯେ କୌଣସି ବ୍ୟକ୍ତି ଢିଲା ବାଲା ମାସ୍କ ପିନ୍ଧନ୍ତୁ ନାହିଁ। ମାସ୍କ ପିନ୍ଧିବା ପରେ ମାସ୍କର ସାମ୍ନାକୁ ସ୍ପର୍ଶ କରନ୍ତୁ ନାହିଁ। କାହା ସହିତ କଥା ହେବା ପାଇଁ ମାସ୍କକୁ ମଧ୍ୟ ବାହାର କରନ୍ତୁ ନାହିଁ। ଆପଣଙ୍କର ମାସ୍କକୁ ଅନ୍ୟମାନଙ୍କ ପାଖରେ ରଖନ୍ତୁ ନାହିଁ। ଏଥିସହ, ପୁନର୍ବାର ବ୍ୟବହୃତ ମାସ୍କ ବ୍ୟବହାର କରନ୍ତୁ ନାହିଁ ଏବଂ ଅନ୍ୟର ମାସ୍କ କେବେବି ପିନ୍ଧନ୍ତୁ ନାହିଁ। WHO ଅନୁଯାୟୀ, କେବଳ ମାସ୍କ କରୋନା ସଂକ୍ରମଣକୁ ରୋକିପାରିବ ନାହିଁ। ଏଥିପାଇଁ ଜନଗହଳି ପୂର୍ଣ୍ଣ ସ୍ଥାନରୁ ଦୂରରେ ରୁହନ୍ତୁ ଏବଂ ଲୋକଙ୍କ ସହ ସମ୍ପର୍କରୁ ଦୂରେଇ ରୁହନ୍ତୁ। ଅତିକମରେ ଏକ ମିଟର ଦୂରତା ଅନୁସରଣ କରନ୍ତୁ। ନିୟମିତ ବ୍ୟବଧାନରେ ହାତ, ପାଦ ଏବଂ ମୁହଁ ଧୋଇବା ସହ ସାନିଟାଇଜର ବ୍ୟବହାର କରନ୍ତୁ।